如果話夏天的颱風係俾人一種壓倒性的刻板印象，咁秋天的颱風就係一種難以捉摸的飄忽感覺。

艾利，今年太平洋第19個被命名的熱帶風暴何謂生不逢時，出生地點偏北和位海水溫度偏低(被先前吹咗去台灣的颱風消耗)，導致佢欠缺時間和潛力去發展，結構一直麻麻。

之後艾利受副高西南邊沿的東風支配，好唔容易向東進入南海，唸住強度有得升下咁，點知各大機構的預測就好似一盤冷水潑去佢果到，認為東北季風會不利佢的發展，睇死佢連STS都無，路徑一時向南，一時向北。

唔知係好彩定唔好彩，副高南伸為艾利引入西南水氣，同時東北季風較預期弱，所以艾利的發展較先前好，在今日傍晚一度升格為STS。驟眼睇佢的生命似乎又重燃希望。不過，事實又係咪咁呢？

艾利宜家處於鞍形場中，俾華北高壓、赤反同副高夾實，動彈不得，時東時北，或南或北，路徑不由得自己決定。各大機構預計黎緊東北季風會變強，到時艾利由於自身力量不足將受其引導，吹向南邊在南海登陸，又或者吸入乾空氣會係海上消散。面對咁嘅情況，佢今日的增強不過是垂死掙扎，絲毫改變唔到命運，一早編定的結局確實令人惋惜。颱風尚不能勝天，何況人呢？

看來秋天，除咗殘樹枯枝的蕭殺美外，還有一種只屬於颱風的物哀美。